Эрхэт Группын үйл ажиллагаатай танилцахыг зорьж энэхүү хуудсанд зочилж буй танд юуны түрүүнд талархал илэрхийлье.   

         
Монгол Улс маань эдийн засгийн эрчимтэй хөгжлийн замд орох түүхэн боломжийн өмнө тулж ирээд байна. Энэ боломжийг бодит хөгжил болгохын тулд Монголчууд бидэнд нэн тэргүүнд дэд бүтцээ барьж байгуулах, цаашлаад дэвшилтэт технологид суурилсан үйлдвэрлэлийг хөгжүүлэх шаардлага тулгарч байгаа. Эрхэт Группын хамт олон барилга, үл хөдлөх хөрөнгө, өргөн хэрэглээний барааний худалдаа, газар тариалан, хүнсний үйлдвэрлэл, зам засвар болон барилга зэрэг олон салбарт амжилттай ажиллаж байна. Бидний амжилтын гол түлхүүр бол эх орныхоо ирээдүйн сайн сайхны төлөө сэтгэл санаа нэгдэн, хамтарч ажилладаг эрч хүчтэй, мэдлэг чадавхтай залуус юм.  Тиймээс  бид ажиллагсдынхаа мэдлэг боловсролыг дээшлүүлэх, ур чадварыг нь байнга хөгжүүлэх ажлын орчныг бүрдүүлэхэд их анхаардаг.

Бизнесийн цар хүрээ тэлж, компаниуд маань өсч томрохын хэрээр харилцагчид, хувь нийлүүлэгчид, ажиллагсад, цаашлаад нийгэм, улс орныхоо өмнө хүлээх бидний үүрэг, хариуцлага улам бүр өндөрсөж байна. Бид дэлхийн стандарт, дэвшилтэт тэргүүний техник, технологийг эх орондоо нэвтрүүлж, нийгмийн өмнө хүлээсэн хариуцлагаа бүрэн дүүрэн хэрэгжүүлэхийг эрхэм зорилго болгон ажилладаг билээ.

 

Та бүхэнд сайн сайхан бүхнийг хүсэн ерөөе!

 

Эрхэт Группын Захирлуудын Зөвлөлийн Дарга Г.Одгэрэлл